無論係香港、內地，定係日本嘅電視台，每年都會有多部重頭電視劇推出，出動大量人力物力以及影星，務求省靚個招牌。而日本AV廠SOD為咗振一振聲威，最近亦嚟個15人豪華初脫祭，聯同旗下嘅附屬AV廠一次過推出15位新人，陣容同聲勢都空前絕後，一個字講晒，勁呀！
風水學說指出，先人嘅陰宅風水好壞，足以影響到後人嘅運勢，如果係真嘅話，日本AV集團SOD個老總嘅先人陰宅一定風水欠佳，搞到SOD上年流年不利。上年，SOD搵到前AKB48成員橘梨紗出道，而佢嘅作品又賣個滿堂紅，以為佢可以學原紗央莉咁一躍成為AV天后啦，點知後來橘梨紗神秘消失，失去搵錢利器；之後又搵到重量級新人下原紗彌果以及高塚玲奈一樣先後出閘脫腳。至於SOD嘅附屬廠雖然未至於有咩不測，但係面對對手北都集團嘅強勁聲勢以及超強女優陣容，近年嘅賣碟成績都唔多好。不過，正所謂輸人唔輸陣，SOD上個月中為幫集團壯大聲勢，一於聯合集團內所有AV廠搞個「15人初脫祭」，一次過挑選出15位精英素人娘下海，而15隻新碟亦已經訂於5月10日同時推出，排山倒海咁進攻AV迷嘅眼睛同銀包。
今次呢15人初脫祭乃係SOD集團嘅重頭盛事，所以搵來嘅AV女優新人都係可以話係百中選一，而當中最特別嘅都係呢四位喇。首先就係被編入SOD Star系列嘅瀨名真緒，呢位19歲嘅清純系美少女來自秋田，皮膚雪白鮮嫩，兩粒提子仲係粉紅色，加上可愛笑顏，賣點已經相當足夠。另一位被SOD收歸旗下嘅安野由美，呢位正宗人妻結咗婚24年，家陣已經50歲，但係保養得宜，睇嚟只係似30歲，相信SOD一定係有心將佢打造為第二個一条綺美香。第三位就係効力Dandy嘅神秘歐洲女優Tiana，呢位鬼妹仔靚得嚟仲居然精通日文，加上仲係18歲之齡，一定大把崇洋嘅AV迷支持。最後一位就係來自美國嘅Stacie，據聞佢剛從美國飛到日本，出關唔夠五秒就畀SOD集團嘅AV星探睇中，而佢居然一口答應拍AV，而且仲大玩中出，憑住如此神奇嘅背景，加上Stacie又的確靚女兼好波，AV迷一定受落。
撰文：賢