記得小弟多年前剛滿18歲攞完身份證之後，第一件做嘅事就係入戲院睇三級片以慶祝自己長大成人。而日本雖然規定20歲先算成年，但係剛滿18歲嘅女性就已經開始嘗試大膽玩意，荻野可鈴就係其中一位喇。
今年18歲嘅可鈴係寫真女郎，亦係一名女演員，曾經演出過特撮式戰隊作品《非公認戰隊秋葉原連者》，阿妹就擔任當中嘅黃戰士角色，另外近年亦同時活躍於舞台演出，相當有前途。最近可鈴更推出寫真集《青春～第二章～》，當中佢會換上內衣、水手服、競泳水着等服裝登場，盡顯青春魅力以及胴體之鮮嫩白滑，另外仲會加多幾場出浴以及更衣嘅寫真，真係太吸引喇！
售價：約HK$222
撰文：賢