肥胖分幾種，有中央肥胖、下身肥胖，以及全身好似米芝蓮人咁肥胖，而大家又要將肥同多肉分開，因為兩者有極大分別，一種係肉酸，一種係肉感，好似水樹玉呢種就係肉感美人喇！
絕大部分男人都係無肉不歡嘅縱肉分子，老實講男人唔食肉又邊度有戰鬥力，可以爆發雄風呢？我就冇見過占士邦、王小虎、石黑龍佢哋食蔬菜沙律喇，你呢？男人愛肉亦唔單只局限於飲食方面，識得追求視覺享受嘅男人亦鍾意睇肉，如果大家同小弟一樣係一個有要求又愛肉嘅男人，水樹玉就一定可以令你睇到飽喇，因為佢身上真係好多肉。現年28歲嘅玉妹靚女就稱唔上，至少拍埋其他水着妹身邊唔算突出，不過都叫做四四正正，笑起上嚟不失甜美同青春活潑感覺。佢同好多AV女優一樣唔係賣相貌，而係靠身材搵食。玉妹嘅三圍係38-28-39，肉感澎湃、尺寸驚人，但係睇真少少，佢整體感覺唔會肥膩，腰際兩側弧度明顯，加上胸前嘅J奶大到好似阿妹自己個頭咁，而臀部飽滿又上翹，配埋雪白如上等白玉嘅肌膚，應該冇男人會抗拒。
唔經唔覺水樹玉自2005年出道，拍水着寫真至今都已經有九年咁長，當初以北村瞳嘅藝名發展，到2010年至改用現時藝名繼續打拚。玉妹憑住呢副充滿肉感嘅巨乳身材，喺水着界都算係發展如意，推出嘅寫真DVD合共有32部之多。當中阿妹一樣會大露豐滿胴體，但係就唔多會以運動嚟凸顯活力，全因身上負擔實在太重，此外亦唔會學其他水着妹咁出動水泡搞氣氛，皆因阿妹表示曾經試過因下身太多肉而除唔甩個水泡喎。玉妹喺影視方面嘅作品唔係咁多，參演嘅電影只有《學校之階段》一部。幸好嘅係阿妹有唔少演出綜藝節目嘅機會，上年更一度成為《有吉反省會》嘅重點人物。基於阿妹身上咁多肉，綜藝節目特別安排佢接受減肥挑戰，要佢喺一個月之內由60公斤減到55公斤。經過多番努力，玉妹成功達標，之但係之後一個月，體重極速反彈，去到62公斤，胸圍、腰圍同坐圍分別變大一吋、五吋同三吋！搞到玉妹被人笑添。
水樹玉知道自己個胸咁大係一大賣點，所以成日都將自拍露乳溝照上載到博客，巨乳愛好者記住日日去睇喇！
網址：http://ameblo.jp/mizuki-tama/
年齡：28歲
身高：5呎
三圍：38J-28-39
撰文：賢