好多男人都話喺現今社會好難搵到個處女做女伴，事實上喺香港地搵處女又的確難過搵恐龍嘅。之不過，喺美國就唔同喎！話說美國一個專門收集有關處子故事嘅網站「The V-Card Diaries」早前進行咗問卷調查，結果發現年齡為25至44歲嘅受訪人士當中，仲係處子之身嘅男士以及女性分別為2.3%同1.6%；年齡介乎20至24歲嘅就有13%嘅男性以及12%嘅女性表示未曾做過愛，仍然係處男處女！估唔到美國嘅年輕男女原來咁保守，並非我哋想像中咁開放同濫交，定係佢哋工作太忙，連愛都唔得閒做呢？咁就等其他調查發掘一下答案啦！