這個在指壓場做Keeper的大叔，我最少見他在這邊工作了十年，全盛期也沒見他穿金戴銀風光過，這幾年同類場所關一間少一間，看樣子應該是不好過了，「黃昏行業呀，新女同新場都愈來愈少，以前撈呢啲場個個老闆都賺錢嘅，依家？唔蝕都偷笑啦，咁嘅厭惡性行業，有錢賺好多人都要考慮，更何況無錢賺又風險大，邊個仲肯投資？」Keeper大叔總是滿口怨言，我也聽慣了，「老細成日都話唔執間場，只係因為唔想我哋班伙記失業，咁又係，書又無乜讀過，幾十歲人點轉行喎。」
我看他們的場晚上的生意都不錯，真的是那麼經營困難嗎？「咁依家條街有幾間指壓場吖？競爭細，都未死得住嘅，但真係無乜前途啦，總之見一步行一步啦。」他說，最近他們的場入了一位「新」女，但這個新只是相對而言，「條女做開鳳姐，喺呢行最少撈咗十幾年，佢同我講佢個鳳樓生意畀樓上樓下啲後生女搶得緊要，加上業主加租，於是咪轉行囉。」Keeper說的新女，事實一點不新，「喺我哋度算新就得啦，都會紅一段時間嘅。」他的語調，帶點無奈與悲涼。
撰文：黃韋龍