一架車有好多用途，可以載人載貨，對於好多尋求刺激嘅男女嚟講，仲可以玩車震。一般嚟講，佢哋都係喺私家車內進行車震，車廂內空間狹窄，設備又唔足夠，仲好容易因為激烈動作搞到架車搖來搖去，惹起旁人注意，故此私家車絕對唔係一個好選擇。不過，如果大家將會去美國三藩市旅行的話，要玩車震就舒暢又方便得多喇！最近，三藩市出現咗一種特別嘅出租服務，叫做「Hook Up Truck」，專門提供貨車畀客人玩車震。呢架專用車震貨車嘅車斗經過改裝，變成一間睡房咁樣，客人同伴侶可以隨意驅車出外，情到濃時就走入車斗進行連番激戰，方便到極！