古代女人要有三從四德，結咗婚除咗要相夫教子兼打理家務，仲要記住唔好拋頭露面，否則好易被指罵係淫婦，畀人捉去浸豬籠都有份。不過，家陣就好得多，好多女士做咗人妻一樣可以出嚟打工，剛剛結婚嘅索人妻長澤奈央亦話，結咗婚唔代表會拒絕行性感路線。
所謂拳頭不打笑面人，一個人成日都笑口吟吟，絕對可以予人親切印象，如果呢個成日都笑又笑得靚嘅係一個無論樣貌同身材都屬一等一嘅美人，咁就毫無疑問可以迷死人，長澤奈央就係呢種女仔囉。今年1月剛好夠30歲嘅奈央同小弟我嘅夢中女神，AV女優及川奈央個名一樣，而佢哋兩個都有好多共通點，就係同樣笑得誘人喇。長澤奈央五官標致，一派溫文嘅姊系氣質惹人好感，而佢笑起上嚟露出整潔牙齒，加上一雙迷人電眼，甜美之餘仲散發出陽光感覺，難怪佢可以贏得第五屆牙齒發亮微笑女孩GP嘅最優秀獎啦。及川奈央同長澤奈央同樣身材一流，二人副偈都屬於薄身巨乳型，腰肢纖巧，上圍同樣擁有堅挺嘅E-Cup美巨乳，簡直就係人間極品！
長澤奈央嘅星運相當順暢，2001年初出道做歌手之後，佢就取得周刊少年Jump選美活動嘅優秀獎，雖然唔係冠軍，但係就幫助到佢爭取人氣。到2002年，奈央終有機會拍電視劇，佢喺特撮式戰隊片集《忍風戰隊破裏劍者》扮演當中嘅藍色女戰士，由於奈央一直都好想成為動作演員，所以平日都有留意其他影視作品嘅打鬥場面，加上本身演技唔錯，出色嘅演繹令佢人氣急升。挾住強勁人氣嘅奈央就開始進軍水着界，身材咁好又咁靚女，唔使講都知換上三點式拍寫真一定令班麻甩佬爭相支持啦。成為多棲女優嘅奈央作品相當多，電視劇包括《海賊戰隊》、《蒙面騎士W》以及新版《GTO》，電影方面，奈央喺2009年更加憑住演出日美合作電影《Hotel Chelsea》，而贏得美國默特爾比奇國際電影節嘅最佳女主角獎添。發展如意嘅奈央雖然剛剛喺今年2月，同日本足球隊鹿島鹿角嘅球員中田浩二拉埋天窗，但係事業正發展得火紅嘅奈央就話會繼續搏殺，更加唔會收起性感。好彩啫！如果唔係我哋就失望嘞。
年齡：30歲
身高：5呎6吋
三圍：35E-22-34
長澤奈央雖然工作繁忙，但係一有時間就會出去吃喝玩樂享受人生，想知道奈央最近又喺邊度遊山玩水就可以留意其博客。
網址：http://ameblo.jp/nao-nagasawa/
撰文：賢