平胸女仔見到巨乳妹嘅時候，往往會妒忌，但係又好識得安慰自己話：「個胸咁大，負擔咁重，有錢執都執得慢過人啦！」咁又的確冇錯，好似水着妹櫻彩璃咁，就可能因為胸大而令運動細胞數量過低喇。
日本班水着妹靚女又好身材，更難得嘅係個個俱擁有鮮嫩雪白嘅肌膚，夠晒資格做美白產品代言人，見到佢哋換上三點式展露胸前白滑誘人嘅美巨乳，敢問世間有幾多個男人可以抵抗誘惑呢？不過，水着妹嘅肌膚好似雪咁白又好似唔配合佢哋嘅工作，因為泳裝女郎多數都係喺陽光充沛嘅沙灘出現，見得太陽多又點會白雪雪呢？所以，櫻彩璃擁有一身古銅膚色就似樣喇。今年21歲嘅櫻彩璃嬌俏可人，仲成日都笑吟吟，充滿健康活力。阿妹呢身健康膚色仲包裹住豐滿身材，睇落雖然有少少肥，但係唔會膩，最重要係胸前呢對36H美巨乳飽滿兼且極富彈性，令大家嘅目光聚焦於此，自然唔會介意胸脯以下嘅部分。
櫻彩璃咁好身材又咁青春活潑，所以佢喺2011年出道成為水着妹以來都頗受歡迎，每次出席寫真DVD新作宣傳活動嘅時候，一換上三點式現身就搞到現場班宅男個個舉起晒，唔好心邪，係舉起相機喪影相咋！不過，櫻彩璃雖然薄有名氣，但係佢同電視台同電影圈就好似冇乜合作緣分，參與嘅電視作品只有《流暢！愛這個女子》，至今仲未有參演電影嘅機會。大家又唔使為阿妹擔心，因為除咗電視同電影，網絡電視亦係爭取曝光率嘅良好平台，而彩璃就成功以此殺出重圍，更加擁有自己嘅網絡電視節目系列，例如《櫻彩璃的一點點直播放送》以及《櫻彩璃之下町日記》。一般嚟講呢類節目都係賣弄胴體，而彩璃都有咁做，但係就唔會學其他師姐師妹咁跑跑跳跳，因為佢話自己胸脯負擔太重，一直以來都唔想做運動兼冇運動細胞。點解咁講？上年阿妹夥拍師妹間宮夕貴拍寫真DVD，當中佢哋去到一間學校嘅體育室玩跳箱，間宮夕貴跳過之後，彩璃又跟住跳，唔知係咪因為胸大兼運動能力低，彩璃躍身一跳，卻係硬生生咁坐咗落個箱上面，搞到兩邊大腿內側赤赤痛。
櫻彩璃每次工作完都會將幕後花絮、相片等上載到博客，部分仲係阿妹大露深深乳溝嘅自拍照添！
網址：http://ameblo.jp/antaro1216/
年齡：21歲
身高：5呎4吋
三圍：36H-24-35
撰文：賢