意大利嘅好波之人相當多，好似韋利、馬甸尼、巴治奧等，而同樣好「波」嘅女星，亦有蒙妮卡貝露慈呢位國寶級女演員，但係佢之前，擁有一雙無敵豪乳嘅莎蓮娜格蘭蒂（Serena Grandi）一樣咁經典！
日本AV女優小倉奈奈有蒼井空二世之稱，大家一樣咁可愛，一樣咁好波，亦同樣做過幼稚園教師，大家都喺所屬年代中發光發熱。無獨有偶，意大利影圈中亦有兩代性感女神同樣相似，就係蒙妮卡貝露慈同莎蓮娜格蘭蒂喇！二人同樣氣質高貴綺麗，魅力顛倒眾生，而佢哋嘅身材更加係豐滿誘人，肉感澎湃！1958年出生於意大利博洛尼亞嘅莎蓮娜，讀書時修讀電腦程式，畢業後曾任職一間科學數據實驗室。好彩，莎蓮娜做咗冇幾耐，就有伯樂睇中佢嘅美貌同激凸身材，令佢可以透過大銀幕展露39.5-24-38胴體！大家冇睇錯，莎蓮娜嘅上圍尺碼高達39.5！所以每次佢露出飽滿嘅豪乳，都會令觀眾驚呼狂叫！亦因為擁有如此驕人身材，令莎蓮娜出道多年來都係性感月曆嘅常客。不過，未曝露其胴體之前，莎蓮娜其實已經憑意大利經典恐怖電影《食屍人》（Antropophagus）而上位。
八十年代係莎蓮娜最活躍嘅年代，呢段時間佢拍咗約20部電影，當中大部分都係情色喜劇電影，而莎蓮娜亦幾乎每部都會露點演出，令觀眾抱住期待而來，抱住滿足而走。另外，莎蓮娜除咗拍情色電影，亦拍過恐怖片同古裝片，例如《大力士2》（The Adventures of Hercules），演技備受肯定。而在演出過嘅眾多情色電影中，代表作一定係《米蘭達》（Miranda）！呢部作品由情色電影大帝——丁度巴拉斯執導，一向熱衷豐滿美女亦擅長發揮其誘惑魅力嘅佢，同莎蓮娜合作簡直如魚得水。在戲中，莎蓮娜扮演經營賓館嘅年輕少婦，因為老公打仗時失蹤，於是就四圍物色新老公嚟填補空虛。莎蓮娜先後同多個男人搭上，過程當中無論刻意定不經意咁賣弄性感，都散發無比誘惑，其中一幕同少男嘅床上戲，莎蓮娜與少男調情時玩熄燈，而少男就用電筒照住佢對豪乳，可謂滿足晒男人嘅偷窺慾望。《米蘭達》取得成功，亦令莎蓮娜成為意大利嘅性感標記。
撰文：賢