K字的廣東話諧音同「畸」字相似，而喺情慾世界中，K字亦確係代表咗唔少古怪玩法、物品及人物，當中有啲更係從東至西，由古至今嘅人同時都有，實在值得令人回味一番。喺眾多以K字頭嘅情慾字海中，你又知道幾多呢？
Kink.com 愉虐龍頭
Kink解作變態，所以喺美國嘅四仔界中，亦有以Kink做主打嘅四仔片商，佢就係四仔界愉虐系列龍頭「Kink.com」，公司由英國人Peter Acworth於1997年創立。本身係哥倫比亞大學財經專業博士生嘅佢，亦係一位愉虐愛好者。有日佢喺一份英國小報睇到，有個消防員靠建立色情網站致富嘅新聞，便決定開設愉虐網站Hogtied.com，由於大受歡迎，每日收入達幾千美元，於是佢放棄博士學位，全身投入情色網站，其後喺美國三藩市正式建立佢嘅愉虐王國Kink.com，統領一眾子網站進行拍攝及製作，並以會員制進行播放。多年嚟佢嘅作品經常獲獎之餘，近年佢又推出立體網上成人遊戲。
網址：www.kink.com/k/sites.jsp
有人問想成為經典脫星，係咪一定要拍好多鹹片？錯！就以分別喺1996年及1999年成為Erotic Legends及XRCO名人堂嘅經典脫星Kelly Nichols為例，由1980年投身四仔界起，到2010年引退為止，只係拍咗50幾套鹹片，但就已經被稱為美國傳奇情慾女星之一。呢位出生於1956年嘅脫星，其艷麗嘅外形同埋36C、28、39玲瓏浮凸嘅身材，深受男士歡迎，尤其係喺1978年拍攝懸疑犯罪電影《The Toolbox Murders》時，喺浴缸露點自娛嘅一幕，七情上面嘅真實反應，令唔少男士睇到流晒口水！喺佢演藝生涯尾聲，Kelly Nichols除咗以客串身份亮相外，更多以化妝師身份為脫星化妝。
對於夜場玩家嚟講，佢哋一定聽過呢個K字頭嘅產品，皆因佢係情趣潤滑劑嘅代名詞，甚至有人誤以為潤滑劑一定通稱做KY添！其實KY呢種情趣潤滑劑，係美國某大品牌旗下嘅潤滑劑牌子，係種無色無味嘅水溶性啫喱，既可以用水洗淨，又能讓男女合歡期間，減低因為重要部位磨擦而產生嘅不適及過敏情況。由於佢可以畀夜場囡囡喺未進入狀態嘅情況下，已可以讓玩家銷魂關係，故此深受囡囡歡迎，成為手袋中必備用品。不過有唔少玩家卻覺得，如果囡囡用佢嘅話，唔多唔少會減低佢哋性戰嘅意欲。
如果未聽過KUKI嘅話，就千祈咪自認係AV迷。唔少人稱KUKI做九鬼，查實九鬼係中川德章於1977年4月創立嘅AV片商，大家之所以稱佢做KUKI，係因為佢係九鬼旗下最著名嘅品牌，故此大家以KUKI是九鬼嘅簡稱。作為歷史最悠久嘅AV片商，KUKI建社初期其實以經營錄影帶生意為主，直至1983年先正式參與AV製作，只係創社初期並唔被睇好，不過經過多年努力，慢慢培養出一批人氣女優，好似90年代嘅水野愛、早坂繪麻、希志真理子等，近年則有草莓牛奶、西野翔等。KUKI嘅情趣人型公仔「南極2號」系列，更以像真度極高，而成為男士床上嘅夢幻玩偶。
網址：http://kuki.jp
講起日活株式會社，唔少資深鹹片迷都會湧起好多回憶，皆因喺1971年至1988年期間，日活株式會社拍攝咗大量被稱為「粉紅色電影」嘅成人電影，而當中嘅人氣女優就係呢位白川和子。1947年9月20日出生嘅佢，讀緊大學時，已喺1967年初次亮相於向井寬監督嘅粉紅色電影《女生宿舍》中，從此決定退學全身投入情色電影世界中，並喺5年間拍攝超過200部粉紅色電影，尤其係1971主演嘅《團地妻 晝下之情事》大收旺場，而《團地妻》系列亦成為佢嘅招牌作品。直至1988年引退期間，白川總共演出超過1,100套粉紅色電影，數量相當驚人！
如果聽到有外國女性話你好「Kinky」嘅話，千祈咪以為佢讚緊你，其實佢係話你好變態咋！Kinky係形容詞，而名詞則為Kink，意思解作變態，當中主要係指重口味嘅性愛，例如拘束、戀物、奴役等。不過有人話翻查字典，發現Kink解作繩嘅扭結、絞纏，既然係咁，點解會同變態性愛有關呢？有人解釋Kink之所以同重口味性愛有關，係因為愉虐玩法往往會用繩將對方綑綁之餘，對方身上往往被綁到一身都係繩結，於是引伸到變態性愛玩法，同埋指他人嘅行為變態。
撰文：魂