模影模蹤:溫柔嫺靜黄仁智

要數新一代韓國十大車模,今日介紹嘅黄仁智必定係其中之一,仁智同其他車模一樣,擁有甜美可人嘅樣子,同出眾嘅身材。不過最令龍友鍾情嘅,係仁智嘅寫真唔單止有野性性感的一面,仲流露出一份溫柔嫺靜。

專科出身 有樣有身材

今年三十歲嘅黃仁智,喺南韓大德大學模特兒系專科畢業,受過正規嘅演藝訓練,因此初出道時,舉手投足已經似模似樣,非常壓場,一啲都唔似初出道嘅新人。亦因為呢個原因,所以好快就有公司簽佢做車模,由於係一間車胎公司,所以韓國大大小小嘅跑車賽事同車展,都會見到仁智嘅蹤影,雖然忙到不得了,但亦令佢曝光率大增,加上仁智外形真係唔輸蝕,170cm身高、34吋D級巨乳、25吋小蠻腰、37吋翹臀,着唔着衫都性感到爆,所以做咗幾年車模,已經殺入時尚界,做埋時裝同產品模特兒,當地網絡遊戲大熱,仁智自然亦擔任唔少代言工作啦!

最愛刺激 表現冷靜

有記者問佢平時喜歡玩啲乜?佢諗都唔諗就話鍾意電影,而且最愛睇科幻特技片,因為夠晒刺激喎!問佢鍾意乜嘢戶外運動時?答案更是出人意表,原來仁智最鍾意玩極限滑水,即係得一塊板,仲要喺海面上做翻騰動作嗰種,至於點解喜歡?都係因為「刺激」兩個字。咁點解粉絲們會形容佢溫柔嫺靜呢?原來仁智工作時會要求自己十分冷靜,按需要而表現自己,一啲都唔會過火,龍友睇佢嘅表現,往往都恰到好處,唔似其他囡囡咁為咗曝光譁眾取寵,「乳」不驚人誓不休,因此網友覺得仁智特別溫柔嫺靜,與世無爭,大家明白未?

專屬網站

簡介:呢個係黃仁智嘅官方微博,裏面收錄不少寫真同工作花絮,最正當然係佢嘅自拍啦!而且仲同眾多韓模合照,真係張張精彩,值得捧場!

網址:http://cafe.daum.net/hwanginji

黄仁智Profile

出生地:韓國

三圍:34-25-37

身高:170cm

撰文:龍四海