外國有唔少真人騷節目，講述男演員遠赴海外闖蕩，將佢哋所遇見嘅人與事，以及面對嘅各種困難一一呈現大家眼前。最近日本就有一部AV收錄類似情節，更號稱作品充滿男女間嘅性慾、感情以及眼淚，令人萬分期待！
日本AV界有好多精彩作品，而小弟就最欣賞《裸之大陸》系列。呢個系列邀請AV女優去到非洲原始部落作親善探訪，同當地土人溝通兼派禮物。此外，女優更會色誘當地嘅威猛土人席地開戰，帶出原始野性，別具特色。最近有一部新作同佢有得揮，就係《The Sex Cannon Ball Run 2013》！由AV廠HJMH製作，收錄嘅片段可以話係AV，亦可以話係真人騷，因為片段正係來自一個由知名鬼才AV監督松尾Company主理嘅遊戲真人騷！遊戲嘅玩法就由松尾先生聯同5名AV業界男士分成三組，由東京驅車出發，四處勾引素人娘上床，同時仲要拍埋片，搵到最多素人娘嘅一組就勝出。呢個遊戲已經玩過3次，上一次喺2009年進行。
據悉一眾猛如虎嘅三組隊員分別驅車去過嘅地方有東京、仙台、青森以及札幌等，總共行咗1,500公里路。而佢哋憑住三寸不爛之舌，成功誘惑到20名素人娘上床，至於最後邊一隊勝出，就留待大家睇碟揭曉啦！不過，勝出嘅一隊可以得到乜嘢獎品，令佢哋咁踴躍又落力呢？就係可以同可愛又甜美嘅神谷麻由，以及火辣極品新山楓兩位AV女優共度一宵！雖然呢兩位女優已經引退，但係佢哋受到松尾先生邀請亦一樣瞓身力撐，可見松尾先生幾有地位。作品當中，最可觀嘅當然係各隊伍勾引素人娘嘅過程，而旅途期間成員作出感人談話亦相當賺人熱淚，唔怪得被稱為「使人流淚的AV最高傑作」啦！
撰文：賢