今日介紹一位新進嘅內地模特兒畀大家認識，佢嘅名字叫陳瀟，樣子清秀，由於有幾分似台灣名模林志玲，故被網友封為「小林志玲」，亦因為呢個封號，令佢出道冇耐，就已經紅遍全國，成為矚目新星。
今年23歲嘅陳瀟，於2010年出道，當時佢就讀北方工業大學文法學院，原本佢冇打算加入娛樂圈，點知有次被同學邀請客串做騷女郎，於是誤打誤撞喺展覽會做起騷女郎。由於陳瀟樣子有幾分似台灣名模林志玲，立即引起一眾龍友嘅注意，之後佢嘅照片在網絡上被瘋狂轉貼，更被網友封為「小林志玲」，令陳瀟一夜成名，及後廣告商同雜誌都爭住搵佢做模特兒，期間佢仲做埋F1方程式賽車寶貝，可謂人氣爆燈！但由於仲讀緊書，所以陳瀟只以客串性質接Job，直至畢業之後，佢正式投身模特兒行列，工作忙個不停。
然而，陳瀟好謙虛話自己一啲都唔似林志玲，但就好欣賞前輩嘅工作表現，絕對係佢嘅學習對象，亦係佢嘅奮鬥目標。身高有172cm嘅陳瀟，五官清秀動人，扮起日系美少女似模似樣，好似佢早前推出一輯性感寫真，起初唔知，好多人都以為係某日本女優，睇真啲，先發覺原來係陳瀟嘅寫真作品。雖然陳瀟嘅上圍唔算好誇張，但輕輕一夾就可以營造出波濤「胸」湧嘅效果，網友睇見阿妹呢副玲瓏浮凸嘅身材，梗係滿意收貨啦！不過，陳瀟就話未夠完美，嚟緊佢會再拍多一輯性感寫真，希望更能充分展現魅力，到時阿妹滿意，網友亦睇得更開心啦！
簡介：陳瀟嘅微博收藏咗佢多年來嘅寫真靚相，係眾多照片網站中最齊全嘅一個。此外，仲有好多阿妹嘅生活照同自拍照，粉絲們一定唔可以錯過，值得捧場。
網址：http://weibo.com/xiaoer723
出生地：北京
三圍：33-23-33
身高：172cm
撰文：龍四海