今日介紹一位嚟自草原嘅美女畀大家認識，佢就係人稱「坤哥」嘅王麗坤，但左睇右睇，都似一個弱不禁風嘅小姑娘，點解會咁叫？原來係同佢嘅性格有關！
王麗坤係滿族人，出生於內蒙古，所以自小騎術精湛，跳舞技巧更係爐火純青，高中畢業後就順利考入北京舞蹈學院主修中國舞，據講未畢業就畀徐克導演睇中邀請參演《七劍下天山》嘅電視劇版，之後全情投入影視工作。由於樣子清秀，所以工作不斷，最令佢人氣大增嘅就係09年參演《美人心計》嘅拍攝工作，由於演技備受賞識，以後嘅作品更逐漸當上女一號，而且王麗坤除舞而優則演外，近年更演而優則唱，喺前兩年推出個人單曲，進身樂壇，同時亦係綜藝節目嘅常客，至於雜誌同平面廣告，更係接個不停，人氣指數可以話一時無兩！
大家單從外表評估，會以為王麗坤係個斯文內向嘅小女生，但當你同佢熟絡之後，就會發現佢好講義氣，而且講嘢特別豪爽，笑起嚟仲好大聲添，同男生冇乜嘢分別，因此相熟嘅朋友都會叫佢做「坤哥」。而王麗坤亦知自己薄有名氣，同朋友出外真係要收斂一下，但一開心嘅時候就會忘晒形。咪睇王麗坤咁爽朗，阿妹惜肉如金，性感照不多，但舊年竟參演咗個跳水節目，集集都以泳裝示人，出嚟反應好好，粉絲仲封咗佢做「素顏女神」，同時亦令王麗坤對性感兩字解封，希望不久將來王麗坤喺性感演出方面不斷突破啦！
出生地：內蒙
三圍：34-24-34
身高：167cm
簡介：裏面收錄咗好多王麗坤演出時嘅花絮同自拍照，可惜性感照比較少，但稍稍一露，就已經令人驚艷，值得瀏覽！
網址：http://blog.sina.com.cn/wanglikunblog
撰文：龍四海