脫模睇落好有性格，話剝就剝，幾時剝、剝幾多佢話事！表面就係，其實講到尾都要睇班老細Like乜！點及得美國脫模Shay Maria咁大支嘢，連國際成人雜誌搵佢都耍手擰頭呢！
人人都讚Shay Maria索，索得嚟個樣仲好有性格，簡單講即係唔易埋身囉！無計噃，邊個叫阿妹副偈咁有睇頭，純天然34C-24-35，男人就形容佢大到令人窒息，而傳媒則懷疑佢咪咪報大兩Cup，而當事人就覺得大細無所謂，最緊要好睇，加上一身健康膚色，更加令阿妹惡形惡相。由四年前半隻腳踩入脫模界開始，佢都堅持走性格路線，無論你鍾意與否，阿妹都唔會因為外界評語去檢討甚至改善。有消息指理由係Shay未入行前係時裝Model一名，行慣天橋講個人性格，所以就算裸露都要有自己一套。
的確，Shay嘅寫真未必一定露兩球，有啲只係極限性感，有時不經意走光，或者遮遮掩掩露一點，全裸就肯定未公開過。阿妹承認鍾意透過性感去展現女性魅力，但對於預先知道要刻意露點就覺得太低俗，拍攝期間漫不經意露出先令佢最興奮喎！
從小習舞嘅Shay Maria，自言最精Hip-Hop 舞，兼係Model一名，硬照甫士當然難佢唔倒，但阿妹即使拍比堅尼或時裝照，都堅持按心情擺甫士，無論頭髮遮全相，甚至只畀個背脊你睇都唔怕男人嫌佢。傳媒亦發現，Shay只會同女性合作，有雜誌曾訪問佢係咪雙性戀者，當事人一口否認，更順勢話只愛靚仔，兼已有一個墨西哥混美國籍男友，但又嫌佢唔識講西班牙話，阿妹對記者講識講西班牙話嘅男人最Sexy喎！
傳媒一於咬住唔放，見阿妹喺網誌內敢怒敢言，問佢有冇同名人瞓過，阿妹直言雖然工作時好多類似機會，但從未試過，仲話連Playboy曾搵佢拍裸照都拒絕，因為覺得呢啲唔稱得上係機會，只因滿腦子都知道未來條路要點行，被安排嘅路情願唔要。當問到將來會否全裸演出，Shay就不置可否，只係話乜嘢事都有可能發生，果然有性格！
簡介：Shay妹剛啱開咗專屬網站，將佢過往拍過嘅所有靚相都掟晒上去，可惜露點嘅真係唔多，但想了解阿妹近況就齊晒料，有相有網誌，連佢嚟緊有乜活動都話埋你知，正！
網址：http://shaymariaa.com
出生日期：1990年4月30日
三圍：34C-24-35
身高：5呎2吋
撰文：祖