唔少脫模都話自己唔係為錢而剝，只係為咗藝術而犧牲，唔少人聽到佢哋咁講都不禁嗤之以鼻。不過如果換着係人氣脫模Ashley Doll嘅話，反響卻出奇地少，皆因佢唔單止用把口講幾咁鍾愛藝術，並身體力行展現對藝術嘅熱情。
呢位今年23歲嘅美國人氣脫模Ashley Doll，早於2011年7月出道，而佢處女作正係由美國著名成人寫真網Twisty製作。及至今日，共推出超過13套寫真集。可能有人認為出道兩年多時間，作品只得十幾套，佢嘅人氣高極有限。如果咁諗嘅話就錯喇！事關Ashley嘅工作瓣數相當多，絕非脫模一項，除咗推出個人寫真作品外，亦經常登上男士雜誌、汽車雜誌、潮流雜誌等封面。此外，佢亦經常以Show Girls身份出席各種展銷活動，及以模特兒兼參賽者身份，參加各類型嘅攝影比賽！Ashley不諱言眾多嘅工作，難免會令佢分心。為咗讓粉絲可以更易同佢有接觸，佢係少數擁有官網嘅脫模之餘，仲會喺網頁嘅博客中同粉絲交流，並上載自己最新嘅辣照。
咪以為Ashley之所以會以模特兒兼參賽者身份出現於攝影比賽，只不過係大會嘅宣傳手法。事實上，佢唔單止剝得出色，攝影技術亦相當高超，除咗經常參加攝影比賽外，佢更舉辦過個人攝影展。另外，Ashley對時裝設計有濃厚興趣，不但喺高中時修讀相關課程，而喺佢從事脫模工作期間仍不忘進修。佢坦言其實不論脫模、攝影或時裝設計，只要同藝術有關係嘅事，佢都有無比嘅興趣。點解佢如此鍾情藝術呢？Ashley認為可能係同佢成長嘅地方有關。喺亞利桑拿州鳳凰城長大嘅佢，一直以嚟都喺浪漫又開放嘅環境下長大，而喺浪漫主義薰陶下，佢對藝術有無可取代嘅熱愛，亦正係令佢對藝術工作有非一般嘅熱情。
Ashley不但攝影同設計了得，佢嘅外形亦相當得。玲瓏浮凸嘅身材加上野性美，配合埋浪漫氣質，輕易得到男士嘅歡心。想見識Ashley嘅魅力，點解唔去佢個官網度慢慢睇呢？
網址：www.ashleydoll.com
出生日期：1991年5月23日
身高：5呎4吋
三圍：32、24、34
撰文：魂