澳吧吧：休閒娛樂集一身

每次聽到有「私人派對」時，個心總唔知點解會十五十六。皆因對鍾意去蒲嘅玩家嚟講，落吧其中一個目的係為咗廣結良朋，私人派對則係同班相熟嘅朋友盡興，真係叫人唔知點揀好！不過呢間位於澳門嘅Private Party Bar，雖然同樣冠以私人派對之名，但佢卻同時兼具私人派對同識朋友兩種特質。好客嘅店內人員，個個都畀到你親切嘅感覺，尤其係酒保更會按照客人嘅口味，調校出超過30種至啱口味嘅雞尾酒，而嗰種嚴謹嘅態度更係令人讚賞。邊拎住美酒，邊同老友傾偈或同佢掟吓鏢、打吓美式桌球，絕對係集休閒同娛樂於呢個晚上。