隨着年月增長，身體老化愈來愈嚴重，家陣小弟都開始發覺皮膚冇以前咁滑溜同彈手。不過，世事總有例外，唔少人天生麗質加上保養得宜，年過三十依然好似十幾歲咁有活力以及皮膚滑溜，就好似阪本麻美咁。
日本水着界嘅年輕活潑小妹妹數之不盡，即使佢哋嫩口又好身材，但一眾年過三十嘅女優卻係未驚過，因為呢班水着前輩個個都保持到一副好身材及青春美貌，質素絕對唔輸蝕畀班十幾歲嘅後生女，好似杉原杏璃、山本梓同埋熊田曜子就係好例子。除咗佢哋，阪本麻美亦都一樣，而且仲愈來愈索添。麻美今年30歲，其樣貌比起剛剛出道嘅時候標致得多，韻味變濃之餘，青春氣息更未有減退。如果有睇佢個博客，仲會發覺麻美經常都玩可愛自拍，而散發出嘅萌味同十幾歲妹妹仔完全冇分別。麻美個樣夠索，身材一樣令男人湧現需索，因為佢身高5呎6吋，配合33-22-33嘅曲線身形，睇落婀娜多姿，皮膚仲滑溜溜且膚色健康，男人望過之後真係有需要索取紙巾抹口水。
阪本麻美於2003年出道，其星運一直都相當平順。阿妹初出道推出首本寫真集《大海物語》之後，就得到電視媒體嘅賞識，搵佢演出不同節目，綜藝節目包括《吉村塾》、《高級之巢》等，電視劇就有《都立水商》以及《特命系長 只野仁》第三季，現時阿妹則主持介紹各類型商品嘅節目《巴浦洛夫之犬》。另一方面，麻美亦係電影常客，不過擔正做主角嘅就只有驚慄電影《不可越過VS點頭先生》。好多女星出道多年，活躍度就隨年齡增長而下降，但係情況並未出現於麻美身上。近年佢繼續拍寫真賣弄其姣好身段，仲係女藝人組成嘅足球隊伍「南葛Shooters」13號波衫隊員，據聞其腳法仲相當好兼且活力十足。此外，如果大家去過日本嘅彈珠機舖，仲會不時見到麻美出現於彈珠機嘅電視螢幕添。
簡介：阪本麻美依家好識享受人生，成日去飲飲食食同旅行，大家想知道麻美近期又去邊度歎世界，不妨Click上佢個博客。
網址：http://ameblo.jp/sakamoto-mami/
年齡：30歲
身高：5呎6吋
三圍：33-22-33
撰文：賢