玩啤牌來來去去都係鋤大弟、十三張，又或者係鬥地主，有冇啲更加有趣味，至啱麻甩佬嘅卡牌遊戲呢？最近有一款由日本AV廠E-BODY推出嘅卡牌遊戲，名為Battle of E-body，好玩之餘，仲有養眼女優以及AV截圖睇添！
日本AV界嘅龍頭企業北都集團旗下AV廠眾多，最出名嘅有S1、Moodyz以及Madonna等。不過，近年呢幾間大廠都已經上晒軌道，已經好少搞大型活動，好彩仲有一間AV廠仍然相當活躍，就係E-BODY喇！E-BODY成立於2007年，一直以巨乳纖腰美女作為號召，家陣叱咤風雲嘅J奶絕世美人Julia就係由E廠一手發掘。近期E廠愈來愈多動作，除咗搵來火辣藝能人事原美優下海獻出肉體之外，仲有一款新出品以及一個嶄新嘅公開招募活動。先講前者，如果大家唔善忘，應該記得早前小弟介紹過日本特撮式AV廠商GIGA推出一款卡牌手機遊戲，等大家可以征服一眾AV女優，而且仲有床戲截圖欣賞。而E廠就比GIGA更加大膽創新，推出實體卡牌遊戲「Battle of E-body」，等玩家有得玩有得睇，仲有得甩牌過吓手癮添！
由即日開始，只要大家購買E廠出品嘅AV碟，就可以得到一套「Battle of E-body」卡牌。而卡牌分別有女優卡、技術卡以及配搭卡，玩法係各人出1張女優卡，再用配搭卡作出攻擊，而技術卡就係絕招，因應各種卡牌配搭出嘅攻擊數值嚟扣除對方嘅血量，扣晒血就輸。「Battle of E-body」嘅玩法同一般卡牌遊戲差不多，但最正就係卡牌上面印上E廠旗下一班索爆女優，技術卡上面更印有AV截圖，睇見上面嘅女優被龍爪手摸胸，又或者係爆發潮吹，可謂抵死又養眼，同時亦具收藏價值。
另外，E廠有一個特別嘅公開招募活動，邀請畫功精美嘅朋友繪製專屬女優嘅人像插畫，經過E廠評分後選出冠軍一名，可以獲得獎金20萬日圓，約15,000港元。
撰文：賢