渡海濠情:玩社交網欠思考力

英國某大學有研究指出,經常玩社交網嘅朋友,做決定時容易人云亦云,欠缺思考力和分析力,而嚟自9號會所嘅安琪聽到之後深表同意,佢話依家聽晒男朋友話,但以前都唔係咁樣!

聽晒人話

安琪話:「我記得未玩呢啲社交網前,啲男朋友個個都聽晒我話,我叫佢哋向東就向東,向西就向西,無論行街睇戲食飯,甚至幾時親熱,都係由我話事,但自從玩咗呢啲社交網之後,真係成個人都變晒,個人冇晒主見,懶得發號施令,人哋話乜嘢就乜嘢囉,所以家陣變晒由男朋友嚟話事,佢哋要我行就行,企就企,起初我都唔知點解,唔明自己點解變成咁,後嚟睇咗呢篇新聞,至知原來係玩得多呢啲社交網所以變成咁!」

即時作反

咁依家知道,將來仲玩唔玩呢?安琪話:「要我完全唔玩真係唔得,事關呢家嘢一上咗癮,真係好難戒得甩,但我會將玩嘅時間,盡量減少一啲,反而抽多啲時間出嚟,睇實班男朋友仲好過,因為話事權一下放,落喺男朋友手上嘅話就會即時作晒反,好似有啲就懶得同你出街,有啲就慳番唔送嘢,有啲仲見親面都只掛住親熱,你話佢哋係咪過分呀!所以呢個話事權,一定要攞番喺手上,免得佢哋借啲意作怪,至於社交網玩少啲就玩少啲啦!」

安琪Profile 

年齡:21歲 

三圍:34-24-34

撰文:小德