眼前這位鳳姐年紀大約三十六七左右，是個說話帶點鄉音的女人，她是我的採訪對象，當然，無論問甚麼也好，給她拍的照片，都得打格，「要大啲，連我個嘴同下巴都要睇唔到。」她的工作地點就在上環一幢唐樓，無論是同層樓上樓下都有同業，競爭不可謂不大。她如何入行都是老掉牙的故事，為了屋企，大約是十年前做過夜總會和骨場，年華老去了，不想跟同場的年輕囡囡爭客，便出來自立門戶開鳳樓，哪知道出到來，同樓姐姐一樣爭客爭崩頭。
「除咗要賣吓廣告，個門面都好緊要，搬嚟唐樓就係貪自由，可以喺門口貼啲宣傳字句咁，咁當然，客嚟到，入閘嗰吓做得好唔好都好緊要，有客鐘，你黑口黑面去應門咁就畀你做咩宣傳都無用啦。」她入行幾年，「門口」這一套，她是十分重視的，「我會着套性感啲嘅衫，最好畀少少身材個客睇到，笑住去開門，屋裏面燈唔使太光，最好有少少香味咁，入閘率高好多。」她強調，即使人客睇唔啱，亦千萬不能惡言相向，「留個好印象，話唔定下次會上嚟呢，你鬧人混吉，以後就一定無機會。」
撰文：黃韋龍