空姐同裸模都可以周遊列國，問題係前者要服侍人，邊及得上裸模咁開工就有人照顧周到吖！來自英國嘅Sarah Arnold就最醒目，阿妹計過度過，都係剝衫着數，如果唔係大家要搭飛機先見到佢喇！
空姐呢行，幾乎係全球女人都視為理想職業之一，Sarah Arnold未當裸模前都係咁諗，直至衡量過利弊得失，阿妹決定要搵類似工作性質，但賓主關係完全倒轉嘅行業，最終發現只有模特兒先有此待遇。由開工一刻到收工都有專人打點一切，咁當然係要國際級Top Model先有得飛嚟飛去出騷啦！呢個世界有捷徑叫裸模，只要你肯豁出去，就有人敢搵你去拍寫真，Sarah就憑住呢個信念，再加上天賦5呎9吋身高及32C-24-34無敵三圍，喺本土掛牌接受裸模工作。Sarah話第一次係幫內衣公司拍硬照，雖然只喺影樓內完成，但呢一輯性感相令到外界認識佢，事後各大傳媒都搵佢拍寫真做封面女郎，話咁快就有機會喺歐洲飛嚟飛去工作！
Sarah深明要上位就要趁早，因此只要有演出機會佢都唔放過，由2010年開始，幾乎每星期有雜誌出街都總有佢登場，另外各大大小小嘅內衣品牌網站，阿妹都搵到唔少！先前講過，Sarah係練精學懶先選擇裸模界，同時佢亦係一個嚮往暢遊世界嘅囡囡，偶然一次工作機會去到地中海西部一個叫伊維薩島拍寫真，阿妹自此愛上，有指呢個迷你島係歐洲人度假勝地，不少英國及德國人會直接飛去旅遊。阿妹更決定喺當地暫居，停止一切工作，只限Twitter同友好分享生活近況。未知係咪使到山窮水盡，到舊年第四季，Sarah又再喺倫敦Model公司掛牌，報稱已回歸英國居住，更由Freelance Model改為全職。歎足成年，Sarah架生不只冇走樣，反而愈操愈弗，近期全力去制服網站晒波晒籮，希望佢唔好又再人間蒸發，勤力啲剝多兩鑊先抖啦！
三圍：32C-24-34
身高：5呎9吋
簡介：冇人話過裸模官網必定要全裸，好似Sarah咁，佢嘅所謂個人網站就玩Fashion，將佢過去現在做過嘅Model工作靚相掟晒上去，間唔中都有露點寫真，睇嚟目的都係想轉型啩！
網址：www.pictwee.com/sarah-arnold/
撰文：祖