早前湖南長沙有電視台舉行名叫「冰封活人」活動，搵嚟三男一女耐寒挑戰者，穿着泳裝進入一個長、闊、高僅得1米嘅冰立方裏面，唔食唔飲48小時，希望可以打破健力士世界紀錄，最後三位男士挑戰成功，但女挑戰者因受傷而中途退出。整個活動事後喺網上廣泛流傳，之但係網友討論嘅焦點唔係班挑戰者，而係一位穿着比堅尼嘅模特兒身上，皆因佢要示範進入冰立方內，雖然只係一段短片，但係就令網友趨之若鶩，一見傾心，除咗囡囡身材火辣，因為佢笑容甜美，當佢進入冰立方時凍到震，又驚又喜嘅表情，更係惹人憐愛，如果佢乘勢拍攝一輯性感寫真，必定一炮而紅呀！