巴打些牙:交歡要定時

好多人同小弟一樣生活得好有規律,星期一至六每朝準時起身返工,準時食中午晚飯,到星期日則任由自己瞓到幾點都得。其實除咗日常生活有規律,原來性生活有規律同樣有益。根據美國網上性商店Lovehoney.com早前進行嘅網上調查發現,受訪嘅100對伴侶當中,有一半會規定做愛嘅日子,而最多人揀喺星期六進行,百分比為44%,其次係星期日及星期五,分別佔24%以及22%。而佢哋絕大部分都係約會共進晚餐之後進行床戰。不過,規定做愛時間會唔會令性生活變得乏味呢?網站嘅負責人Richard Longhurst就表示唔會,佢話都市人工作繁忙,如果唔規定一個日子做愛,好可能好耐都搵唔到一個合適時間進行,而且當大家都知道該日係做愛嘅約定日子,心情同身體都會有所準備,床上表現一定更為理想,對交歡時嘅樂趣有正面幫助。

撰文:賢