今年全球最矚目嘅盛事，一定非世界盃莫屬，記得4年前嘅賽事中，最令人印象深刻嘅畫面，並唔係邊位球星入球或者邊隊球隊奪得冠軍，而係擁有超級巨乳、用乳溝夾住手機嘅巴拉圭女球迷Larissa Riquelme啦！
記得4年前其火辣身材，喺全球觀眾眼前曝光，隨即引起全球網友嘅關注，之後Larissa一躍成為國際模特兒，之後返老家又拍劇集，又做主持，可謂紅極一時。
今年28歲嘅Larissa，身材仍然火辣，樣子更添成熟，好多球迷都渴望佢會喺今屆世界盃出現，只可惜Larissa公開話唔會出席今屆賽事，一來佢至愛嘅巴拉圭隊打唔入決賽周，二來佢即將嫁人，嫁畀効力阿根廷球隊「河床隊」嘅巴拉圭國腳。
呢個消息對巴打們嚟講絕對係雙重打擊，希望佢老公識做，度蜜月時帶佢去巴西睇波就好啦！
撰文：賢