對待感情要認真，但係認真唔代表要嚴肅同拘謹，有時互相整蠱一下，相處嘅時候表現一派傻氣，可能會令關係更加融洽，更添趣味。好似涼本惠呢位美少女咁，擁有誘人豪乳兼具一派傻大姐個性，同佢拍拖一定充滿樂趣啫！
成日都有人話女仔胸大冇腦，事關營養用晒嚟發育胸部，不過我就絕對唔認同，除咗因為呢個說法帶有歧視性同貶義，亦因為好多巨乳妹其實都有相當高智慧。好似日本老牌艷星杉本彩咁上圍豐滿，佢唔單只係寫作家，仲一手創立自己嘅內衣品牌以及藝能界經理人公司；好似涼本惠咁，雖然演出嘅時候經常做下把位，但係我覺得佢係醒目多過蠢鈍。23歲嘅涼本惠生得天真可愛，成日都笑得甜絲絲，一睇就知平易近人冇架子，非常討人喜愛。而令人鍾意惠妹嘅原因，可能亦由於佢呢副豐滿靚偈。身高5呎1吋嘅惠妹體態嬌小，腰肢得23吋都算係夠晒纖幼。然而，阿妹嘅上圍認真分量十足，足足有37吋H-Cup，由於阿妹塊面唔係好大，所以驟眼睇落阿妹好似有三個頭一樣！
涼本惠身材如此之佳，令佢讀高中嘅時候就被藝能事務所人員睇中，搵佢做模特兒以及拍攝水着寫真DVD，頭炮作品就叫做《巨乳的你 發表》。由於惠妹演出嘅時候充滿活力，展現出極為吸引嘅活潑一面，所以事務所亦特別安排佢加入水着美少女組合KNU23，而惠妹就以組合成員嘅身份踏足舞台，參演過嘅舞台劇有《冬椿》等等。涼本惠活潑嘅一面吸引到唔少觀眾支持，據講幕後嘅工作人員都好鍾意佢。一次阿妹拍攝寫真DVD《冬天的故事》嘅時候，為配合主題，阿妹要到雪地演出，雖然佢當時只係着住比堅尼，但係工作人員一開口，佢就即刻瞓上雪地玩得不知幾開心。另外，拍攝嘅時候亦有好多走光動作，阿妹明知亦完全冇閃冇避，工作人員讚佢夠專業之餘亦覺得阿妹夠傻氣。阿妹嘅傻大姐性格仲被網絡節目《星期五【生】偶像展覽 SUZUBAN F》睇中，搵佢同兩個男主持一齊合作，而阿妹就做下把位，被人取笑同玩弄，講錯台詞仲要被男主持用膠錘仔扑頭，阿妹仲要扮晒可愛兼搖動巨乳話對唔住。其實，我就覺得涼本惠一啲都唔傻，仲好醒目，因為做呢個角色都要有智慧應對，而且仲有更多機會博到觀眾注意，爭取人氣，叻女呀！
簡介：涼本惠最近以主持網絡節目《星期五【生】偶像展覽 SUZUBAN F》為主，其博客亦時常發布拍攝時嘅花絮及消息，大家不妨睇睇阿妹點樣畀男主持玩喇。
網址：http://ameblo.jp/megusuzu/
年齡：23歲
身高：5呎1吋
三圍：37H-23-34
撰文：賢