妓院開業頭幾天，日日都會有大老闆包廳設宴，名妓多嘅妓院更由初七排到月尾，而開業第一晚，更係要價高者得，因為當年流傳一個傳說，囡囡放假休息咗咁多日，加上新年新氣象，客人覺得囡囡們都成為新人，而開市首日奪得美人歸，等同獲得年度開苞權。聽落好幼稚，但大家都樂此不疲，一擲千金。
包廳嘅老闆當然有權第一個揀選佳麗，而一般情況都會揀妓院嘅花魁，但亦有人情有獨鍾，揀啲騎呢中女，而陪同嘅客人亦可隨意揀擇，地位同輩分高嘅先揀，而陪客雖然豁免宴會酒水，但如要同小姐擺房，肉金則要自付。
另外，新春期間除咗打賞更要見人就派紅包，所以老闆出雞你出豉油都所費不菲！
撰文：小德