師傅教落小心駛得萬年船，所以識女仔最好要探清其底蘊至好深交，就算對方送到上門亦起碼要做多一件事，就係做足安全措施喇！美臀水着妹戶田玲都係咁話，自言如果約會男性都會隨身帶定安全套。
日本水着界大概可分為兩大陣營，一個係巨乳營，代表人物有原幹惠、杉原杏璃、今野杏南等等，另一個就係美臀營，代表人物有伊藤惠美、田中梨央，當然梗係唔少得有「日本美尻女王」之稱嘅秋山莉奈啦。提到美臀，上述幾位女優臀圓又美觀，氣質亦嬌俏可人，深得麻甩仔喜愛。不過，如果想搵個擁有美臀又帶點成熟綺麗嘅美女，大家仲可以選擇戶田玲。玲妹今年26歲，氣質輕熟有韻味，同時帶點妖艷騷勁，睇嚟有幾分似經典AV女優鈴木杏里。而二人除咗樣子相似，身材亦有類近之處，一樣擁有纖巧嘅胴體以及修長美腿。之不過，玲妹就有另一個優點，就係玉臀又圓又翹又飽滿，每次當佢翹起個美尻都令人想入非非，杏里則畀唔到呢種感覺大家喇。
戶田玲喺2009年成為水着妹，當時佢以清純活潑嘅形象以及其驕人美臀而日漸受到歡迎。往後，玲妹開始接觸其他演藝範疇，例如為舞台劇《漂流戲劇》、《黑暗的皇太子》以及《生化危機咖啡》演出，同時亦不時參演電影，上年9月上映嘅《撒謊反論》阿妹就有份演繹一角喇。同好多水着女優不同之處，在於出道五年以來，玲妹持續地活躍，演出機會多不勝數。玲妹上年更被日本銷售第一嘅某安全套品牌睇中，搵佢做安全套002嘅第五代宣傳大使。而玲妹亦不負眾望，做咗大使之後就換上性感衣着四圍派安全套試用裝。此外，當佢接受傳媒訪問亦大講性經，除咗話自己係M女，鍾意男人做主動「招呼」，又話愈薄嘅安全套愈好用，因為可以快速感受到對方下體嘅溫度喎！玲妹更加不諱言每次約男性出街都會帶備安全套以備不時之需，唔使要用嘅時候四圍撲，咁識得幫老闆做宣傳，果然抵錫！
年齡：26歲
身高：5呎4吋
三圍：33-23-35
近日戶田玲忙於拍電影，而阿妹不時會將花絮照片放上博客，想了解佢嘅拍攝情況，可以Click上去睇睇。
網址：http://ameblo.jp/toda-rei/
撰文：賢