小弟一直鍾意睇德國甲組足球聯賽，當年嘅金色轟炸機奇連士文又靚仔又好波，星味十足，我真係好崇拜佢！除咗佢之外，好多德國球員亦同樣靚仔又有型，如果我係女人一定會搵個德國仔做男朋友。之不過，最近歐洲一項調查就發現，德國男成為最差拍拖對象。該調查邀請咗約15,000名來自20個不同國家嘅女性投票，由佢哋選出最佳及最差拍拖對象，結果最差第一位係德國男，原因係佢哋嘅體味太濃。至於第二位係英國男，原因係佢哋太懶，莫非佢哋懶到唔肯做愛，故此令女士們討厭？咁邊個國家嘅男人係最佳拍拖對象呢？頭二位分別係西班牙同巴西。不過計我話，各位港女唔好覺得外國嘅月光特別圓，同聲同氣嘅港男至係最好！