宅男天地：熱血性感登場

性感同熱血好難共冶一爐，然而嚟自日本人氣奇幻熱血動畫《KILL la KILL》嘅女主角纏流子卻可以做得到。呢位貫徹血紅之道嘅美少女穿着一套超性感火辣戰衣，將佢副玲瓏浮凸身材表露無遺，睇到人流晒口水，加埋超短裙下一雙白滑修長美腿，養眼度爆晒燈！至於呢個模型不但盡情呈現纏流子嘅性感，爆乳加露底造型贏盡眼球，極富動感嘅揮刀動作，更係令模型嘅觀賞性大大提升！隨模型附上專用太刀兩把，供玩家轉換不同造型，玩味十足。