渡海濠情:股惑人心 機不可失

最近有個朋友喺網上發咗張自拍,主題係「無股溝人」,照片真係唔見有股溝,原來係患咗怪病,嚟自9號會所嘅曉新就話,如果有咁嘅病就真係唔知點算!

衣着老套

曉新話:「你知家陣啲專賣店嘅牛仔褲同內褲,全部都係低腰設計,女生一踎低,就成條股溝露晒出嚟,你話如果患咗呢啲病,要將股溝縫起來,咁咪露唔到出嚟,人哋實以為我老套,今時今日仲着高腰褲啦!而且仲有一個好重要嘅問題,就係所有男朋友都因為見到我條股溝而深深被我吸引,如果冇咗條股溝,咁啲男朋友容乜易個個都捨我而去,到時我真係唔知點算囉!」

學懂珍惜

曉新講開股溝特別雀躍:「除咗着牛仔褲,你知我哋晚晚都要着晚裝示人,啲晚裝用料唔係絲就係薄紗,成個股溝都會若隱若現,有時你着乜嘢底褲都會畀人睇到,你話冇咗股溝,肯定畀人笑死啦!仲有一樣嘢就係以後都冇得去游水,事關你換泳衣就實穿煲,啲男生唔嚇親都笑死,好彩呢個病萬中無一,所以我一啲都唔擔心,仲學識珍惜露股溝嘅機會,晚裝又露吓,牛仔褲又露吓,有事冇事都露吓!咁就開心啦!」

曉新 Profile

年齡:21歲

三圍:34-24-34

撰文:小德 

攝影:阿德