喺主題公園內，每當大家見到得意又可愛嘅卡通人物出現，都會相當興奮，立即撲上前攬住對方合照。而早前美國時代廣場就有人扮成動畫《反斗奇兵》嘅牛仔胡迪，喺大街上招人拍照，期間有兩個年輕貌美嘅少女走埋去影相，點知突然有人伸手摸佢哋嘅屁股，嚇到兩女大叫，原來非禮佢哋嘅人，就係扮胡迪嘅男子！佢講西班牙語，兩少女完全聽唔明佢嘅解釋，最後決定報警。原來呢個男人有風化案前科，仲承認患有強迫觸碰病，唔摸女人會周身唔舒服喎！各位女士下次同卡通人物合照時，就要小心啲啦！
撰文：小德