廣東籍嘅模特兒一直畀人嬌小輕盈嘅感覺，但近年不少廣東妹喺內地發展都闖出名堂，絕對唔輸蝕畀其他省份嘅囡囡，佢哋一樣青靚白淨，身材高挑，好似今日要介紹嘅燕甘甘就係其中一位。
嚟自廣州嘅燕甘甘，真估唔到佢讀書時係讀同工業有關嘅課程，主修工業分析和檢驗，畢業後都係喺辦公室工作，但一個大美人要屈喺寫字樓，真係有啲暴殄天物。身高172cm嘅甘甘，自小喺廣州長大，咁高大嘅身形，一直都喺朋友中鶴立雞群，加上樣子清秀，身材出眾，就算佢唔想改變原定嘅生活模式，佢身邊啲朋友都唔肯放過佢，於是四圍替佢安排演出工作同選秀比賽。而一直勇於挑戰嘅甘甘，亦樂得盡展所長，於是染指模特兒界，之後更做埋全職車模。做車模唔夠高頭大馬，照片出嚟會唔成比例，但甘甘佢手長腳長，可以輕鬆駕馭任何相關拍攝。
甘甘亦參加過不少選美或者選秀大賽，令佢印象最深刻嘅，就係參加咗某媒體搞嘅車模大賽，因為參選嘅全部都係同行，實力相差不遠，加上各人專長，令甘甘喺比賽中獲益良多，之後整個人脫胎換骨，無論現場工作定拍攝寫真，都畀人不一樣嘅驚喜。甘甘自此人氣大增，隨後接咗不少雜誌同其他商品嘅代言，除咗豬籠入水，亦令甘甘眼界大開，近年工作真係忙到不得了，不斷咁飛嚟飛去，有好長日子都冇返過老家，但甘甘一啲都冇呻過辛苦，唔似一啲年輕模特兒老是抱怨，所以佢嘅毅力令佢成長，亦不斷接受新挑戰！
出生地：廣州
三圍：34-23-35
身高：172cm
簡介：燕甘甘係人氣車模，佢嘅寫真大多數都同車有關，但其他照片一樣精彩，絕對會令你一看再看！
網址：http://weibo.com/531967884
撰文：龍四海