宅男天地：女神重現

日本人氣插畫家村田蓮爾筆下嘅美女，個個都極具魅力，難怪模型商Alter睇中佢嘅插畫作品《The Muse of Range Murata》，將性感美少女Muse模型化。Muse本身係停刊雜誌《JC.COM》第9冊嘅封面女郎，佢嘅渾圓美股最引人入「性」，所以呢個模型忠實呈現Muse誘人美股魅力，當然迷人雙峰同樣有睇頭。另外，原型師特意將佢變得更富時代感，除咗將原畫作嘅頭飾改成耳機外，緊身襪褲亦變成長靴。此外，Muse頸上嘅圍巾可以除落嚟，令模型更具好玩性。