最近南韓嘅健身女王鄭多燕訪港，仲四圍示範其好睇又實用嘅瘦身舞步，吸引到好多女性學習，同時亦惹來男士們觀摩，因為鄭多燕雖已47歲，但係身材Fit到漏兼火辣誘人，個樣仲美艷動人，實在睇唔出原來佢係兩兒之母。除咗佢之外，日本亦有一位女藝人同鄭多燕一樣係超級索媽咪，佢就係紗榮子喇！
今年27歲嘅紗榮子參加「日本Telegenic 2003」選美比賽出身，從而踏足藝能界。活躍於電視劇與寫真界。紗榮子喺2007年同職業棒球員達比修有結婚，仲先後生咗兩個囝囝添。幸福嘅生活維持唔到好耐，2011年紗榮子就同老公分居，之後就決心投入藝能界發展，最近仲推出寫真集《EPISODE 1》。喺呢本寫真集當中，紗榮子將會展露其修長美腿以及彈手嘅胸部，大露姣好身段，體態之迷人絕對唔會輸蝕畀鄭多燕！
售價：約HK$146
撰文：賢