以前成日畀阿媽鬧我掛住打機唔溫書，第時前途堪虞。其實係佢唔知我眼光遠大，家陣好多人都已變身為職業打機手，咪一樣搵到食，甚至有人參加職業遊戲聯賽而獲得幾十萬元獎金添！好似水着妹白河優菜咁，亦係因為鍾意打機而贏得不少演出機會。
一般嚟講，資深機迷通常都係男仔。不過，時移世易，家陣好多女仔對打機嘅熱愛以及認識，絕對唔會輸畀男仔，就以玩《Candy Crush》為例，好多女仔已經成為專家，而水着界新星白河優菜亦係一位資深機迷。23歲嘅白河優菜，身邊嘅朋友亦鍾意簡單咁稱呼佢做白菜。呢位青春無敵妹妹仔氣質清純又可愛，天真無邪嘅笑容，相信可以令各位男士都有精神煥發嘅感覺，就算心情幾憂鬱都即時被感染得笑吟吟。白菜佢除咗可愛嘅氣質吸引，一副鮮嫩胴體同樣誘人。身高5呎4吋嘅佢肌膚嬌嫩白滑，34-24-35嘅三圍曲線明顯，加埋一對又圓又飽滿嘅雪白E-Cup肉彈，認真嗒得杯落，唔鍾意嘅一定唔係男人！
白菜佢喺2011年參加日本汐留寫真偶像甲子園選美比賽踏足藝能圈，雖然佢只得第二名，但係阿妹活潑嘅個性以及鮮嫩婀娜胴體幫助佢出道之後發展如意。白菜除咗以拍寫真集同寫真DVD為主，舞台劇演出亦係重要工作範疇，佢演過嘅舞台劇包括《On Your Marks》、《GO, JET ! GO ! GO ! VOL.3》以及上年年尾嘅《High×Position》等。另一方面，阿妹佢亦係美少女偶像小組「Apple Tale」嘅隊長，成日同班隊員登台獻唱。白菜咁溫文又擁有幼稚園教師資格，好多人都以為佢平時鍾意讀書，事實上阿妹鍾意睇漫畫同打機多啲。亦正因為知道白菜係機迷，網上節目《新人騎士物語》就特別搵佢接受挑戰，要佢連續45日不停咁玩電子遊戲《白騎士物語》，期間要向雜誌報告進度同心得等等。另外，阿妹亦係網絡遊戲《仙境傳說Online》嘅特別支援者，除咗為遊戲相關嘅一個直播節目做主持，亦同時與安藤遙、乾曜子組成特別組合「G•O•S」合唱遊戲嘅主題曲添，認真多才多藝。
白河優菜成日都冇時停，一得閒就會四圍郊遊睇風景，想知道佢最近去咗邊，想跟隨其足迹遊覽，切記要睇佢個博客喇。
網址：http://ameblo.jp/shirakawayuna/
年齡：23歲
身高：5呎4吋
三圍：34E-24-35
撰文：賢