喺職場上，男上司往往成為女同事嘅姣溝對象。而講述職場男女關係著作《Gender and Diversity in the Workplace》嘅作者Gary N. Powell教授就表示，搭上上司有好多地方要注意，首先切忌令關係曝光，以免引起同級、下級，甚至係老闆嘅指摘，愈少人知愈好。另外，最重要係事前要做好心理準備，萬一同上司嘅關係轉差，絕對冇同事會幫手，因為佢哋唔想因為幫你出頭而令飯碗不保。教授仲引述雜誌《Top Sante》嘅一項調查，指出上司同下屬發生關係未必冇好結果，調查訪問咗5,000名女性，當中有28%受訪者表示曾與上司發生關係，而其中有12%因此而得到晉升機會。另外，當中嘅11%更加可以同上司結成佳偶添！不過，小弟認為都係靠自己努力上位好啲！