隨住出書門檻降低，近年出現唔少自費出版嘅情慾小說作家，而R. K. Lilley就係其中一位。本身係頭等機艙空姐嘅佢，將自身嘅經歷加上性愛元素，自資出版《In Flight》三部曲情慾小說，而《In Flight》就係系列嘅第一部曲。故事講述美艷空姐Bianca係位頭等機艙服務員，有日佢遇上鑽石王老五James Cavendish，面對對方英俊嘅容貌竟然春心大動，加上對方百般挑逗，兩人唔單止喺三萬五千呎高空嘅情慾纏綿，Bianca更嘗到人生首次嘅愉虐體驗，令佢從此不能自拔。完事後James對Bianca許下一生嘅承諾，究竟事情會否如Bianca所願呢？