巴打些牙:D奶畫畫

美國有一位擁有30D巨乳嘅中女,利用雙乳畫過千幅畫作,每幅畫賣幾百美元,絕對係有價有市。呢位嚟自加州嘅中女名叫霍克,6年前開始用對D奶畫畫,起初將畫作放上網拍賣,後來作品愈嚟愈受歡迎,仲賣到去澳洲同英國等地。而霍克除咗以賣畫維生之外,有時仲會搞慈善義賣,將籌得嘅款項撥捐到對抗乳癌基金。有內地網友發現霍克嘅畫畫技巧不外乎四個字,就係「按壓旋轉」,先把顏料塗喺乳尖或乳房上,利用按壓及旋轉動作來繪畫,由於技巧簡單,所以網友估計內地嘅巨乳囡囡將會跟風,照辦煮碗嚟搵銀,不過,有冇霍克畫得咁靚就唔知喇!

撰文:小德