好多人都認為自娛係一種羞恥嘅行為，所以好少宣之於口，有人問到亦支支吾吾。其實，每個人都有性需要，喺唔影響其他人嘅情況下間中自娛一下，絕對唔係壞事，甚至可以成為事業搵錢添！
英國少女Amy Kingston今年20歲，係一名大學生，早前佢登入英國情趣用品銷售站「LoveHoney.co.uk」買玩具，期間佢見到一個招聘寫情趣玩具評論員嘅廣告，寫完之後仲有錢收，於是佢即刻應聘兼成功獲得錄用。由於佢寫嘅評論都係親身經驗，瞬間成為知名評論家，後來又愈來愈多情趣用品商送產品畀佢試用兼評分。Amy表示佢家陣因為呢份兼職，每月多咗250英鎊零用錢。我都想賺啲零用錢買部PS4，等我又睇吓仲請唔請人寫評論先！
撰文：賢