今日介紹嘅台灣超人氣模特兒，佢樣子唔算太靚，但照片出嚟效果明艷照人；身材唔算高，但有長腿姐姐嘅美譽，佢就係陳佳筠！
陳佳筠英文名叫Lucy，最先出道時就係用英文名出吓秀或者拍吓照，而佢最為人認識嘅一次，係做咗某屆美式桌球比賽嘅舉牌妹，就畀佢一舉成名。又難怪！事關當日佳筠身穿性感制服，一對D級巨乳挺得高高，好多記者賽後乜都唔記得，就只記得佳筠嘅驕人身材，之後佢嘅照片開始喺網上瘋傳，人氣急升，之後做咗不少代言同騷女郎嘅工作，最令人記得嘅當然係網上遊戲嘅代言人，事關佳筠身穿性感角色服裝，真係充滿動畫感覺，所以佳筠亦打入過宅男女神之列，現在仍是十大之一，由於人氣咁強勁，所以工作不斷，近年更染指埋綜藝節目做埋助理主持。
而最令人估唔到就係佳筠只有162cm高，但一對美腿就修長白滑，唔少愛好美腿攝影嘅龍友，都搵過佢嚟拍攝專輯，所以坊間有關佳筠嘅美腿寫真特輯，不下四五輯咁多，有人會懷疑佳筠無論樣子、身材都只屬一段，點解可以不斷突破自己呢？可能同喺大學時修讀心理學有關，佳筠冇因為自己天生嘅缺點而放棄，反而將缺點轉化為優點，令表現同工作都更突出和搶眼，單係佢微博有過萬人嘅關注，就知道佢有幾咁受歡迎。最近更接埋車展同埋時尚雜誌拍攝嘅工作，證明佳筠受到業界認同，新一年肯定係佢嘅天下！
簡介：佳筠嘅粉絲多不勝數，照片網頁不下數百個，但最多照片嘅都係佢嘅私人微博，裏面無論自拍定工作寫真一應俱全，而且性感度一百分！
網址：http://www.weibo.com/lovelucylove
出生地：台灣
三 圍：32-23-33
身 高：162cm
撰文：龍四海