一連幾日假期，好多夜場都會將大堂或者房間布置得美輪美奐，有啲仲會掛滿燈飾，閃吓閃吓燈光，充滿濃濃嘅節日氣氛，但其實大家去玩時真係要留意吓，有啲燈閃吓閃吓，並唔係用嚟裝飾，而係有特別用途，好似呢間桑拿嘅按摩房就安裝咗一盞小紅燈，平時係唔會着嘅，但當一着嘅時候就有示警作用，有啲技師就會十分醒目地悄悄離開，同時叫客人安坐房間切勿亂走。原因好簡單，就係有關單位嚟查牌，提醒囡囡回小姐房準備證件，客人就千祈咪四圍走。由於查牌時間有長有短，有部分客人完事後心急走人，有部分未完事想快啲有下文，但幾急都好，盡量唔好離開房間，就算探頭張望都唔好，免得引人懷疑。如果有問題可用房間嘅電話向櫃枱查詢或叫經理入嚟了解情況，但冇乜事都唔好煩佢哋，因為佢哋忙住招呼巡查單位，直至紅燈熄咗，至好離開！