我在網上討論區認識B，他寫一些北上玩樂的報告，他的文字當然不能跟專業的寫作人比，但因為寫來生鬼傳神，而且非常細緻，雖然十分小圈子，但的確能引起圈內人的注意。我的老習慣是，覺得他寫得不錯，便邀約他寫稿，結果他也真是幫忙寫過幾期，「不寫了不寫了，還是在網上發表過癮，一來看的人可以即時反應，互動性強得多；二來我真的藉此認識了不少朋友！三來唔使定時定候交稿呀，所以即使網上發表無錢收，我都寧願揀呢樣。」我當然不會勉強他啦。
網上世界就是這樣，尤其是在北上討論區，你紅了，就有追隨者問長問短，再然後，就叫你搞團，B也不例外，抱着識多個朋友，和在上面不妨多個照應的心態，他也先後做過幾次所謂的「團長」，只是後來卻聽到都耍手擰頭，「唔搞啦，呢啲團一涉及錢銀就多是非，同自己朋友就話啫，喺網上識嘅，大家背景都未搞清楚，一齊劈酒、真係好多手尾跟，有時就收唔足數，有人借酒遁，最慘係搞唔好仲要喺網上畀人唱，都係算罷啦。」
撰文：黃韋龍