模影模蹤：吉田由莉 新年繼續砌

妖媚敢露

現時日本藝能界最當紅最多話題嘅艷星一定係壇蜜，無他嘅，壇蜜擁有美艷面孔同姣好身段，最重要就係敢做大膽事情，敢露出其嬌美胴體囉！如果要搵藝能界第二個可以同佢匹敵嘅女優，其實都幾難，不過唔係冇，吉田由莉絕對夠資格有餘！同壇蜜一樣，由莉都係出生於1980年，大家都係33歲，同樣散發一派大姐姐氣息。然而，壇蜜雙眼比較細，睇落唔多夠神采，相反由莉就唔同喇！佢雙眼又大又炯炯有神，畀佢用眼一「厲」，小男人一定驚到腳仔都軟埋。當然由莉就唔會咁惡死，佢只會用妖媚之極嘅攝人眼神迷倒男人啫。由莉比壇蜜更勝一籌嘅仲有身材，由莉身高5呎5吋，比壇蜜高兩吋，35E-23-35嘅身材，上圍一樣大壇蜜兩吋，但係由莉嘅胴體則柔軟得多，輕輕用力彎腰所出現嘅S形就比壇蜜能夠做出嘅更具弧度及更為誘惑喇！

開班授徒

吉田由莉自細就學習繪畫，後來更加以平面設計師為目標。不過，長大後未達到目標嘅由莉，就已經因為美貌與激凸胴體而被藝能事務所發掘為模特兒喇。進京發展藝能事務嘅由莉主要拍寫真同寫真DVD，其演出作風大膽，經常做出惹人遐想嘅動作，赤裸上半身雙手掩胸正係其招牌動作。由於風格出眾，由莉好快就打響名堂，令佢工作瓣數日益增加，後來仲獲邀參演電視劇同電影，作品包括戰隊電影《彩虹面具VS無家可歸軍團》、《妄想少女》以及《半夜的進行曲》等。精通電腦嘅由莉仲經常為自己作曲以及將寫真DVD放上網，令自己人氣有所增加。由於由莉對電腦咁熟悉，所以唔少電腦店都搵佢做代言人，更搵佢開班教授砌機知識添。新一年，吉田由莉就話會砌多部新電腦，將自己嘅火辣影片剪輯同配樂，將人氣再次谷上高峰喎。

吉田由莉 Profile

年齡：33歲

身高：5呎5吋

三圍：35E-23-35

個人博客

吉田由莉會將自己同愛犬嘅生活點滴放上博客，另外亦會發表用電腦心得，上去睇一睇一定獲益良多。

網址：http://yaplog.jp/yuri_yoshida/#t

撰文：賢