字裏淫間:別具一格A級誘惑

「字裏淫間」呢個欄目會為大家細數26個英文字母,各自喺成人界一啲有代表性嘅詞語,而第一炮當然以A字行先。A對好多人嚟講有唔同嘅意思,形容超勁、超正嘅嘢我哋會話係A級;形容兒童不宜嘅事物會話佢係Adult,即係成人專用嘅嘢;而講到最多人識嘅則要數日本嘅AV。事實上,A字仲有其他意思,以下詞語唔知大家又知唔知呢?

美國四仔系列:AVN Awards 四仔頒獎禮

「AVN Awards」係由美國Adult Video News雜誌所辦嘅四仔頒獎禮,更有四仔奧斯卡之稱,從1984年2月首次舉辦至今,已經有29年嘅歷史。從當年僅得十幾個獎項至今,每年AVN Awards都會頒發近百個獎項,並設有名人堂以紀念喺四仔界有貢獻,及有傑出成就嘅從業員及演員。由於佢嘅挑選嚴格,並且由相當具有公信力及評審團進行評審,喺四仔界有舉足輕重嘅重要性。

《A Free Ride》美最早鹹片

美國四仔有Softcore同Hardcore之分,分別在於後者着重性器官嘅特寫,而講到美國最早嘅Hardcore鹹片,普遍認為係喺1915年以黑白菲林拍攝嘅《A Free Ride》。呢套10分鐘嘅Hardcore色情片,唔單止有重要部位嘅特寫同肉搏場面,仲有戶外風景、故事內容同對白字幕,就連拍攝同剪接都相當專業。影片講述男主角司機落車小解,旁邊偷睇嘅兩個女仔見到心郁郁,跟住就搞埋一齊。

日本AV系列:Asakawa Ran 朝河蘭

AV迷間有云「平生不識朝河蘭,看遍AV也枉然」,足見呢位擁有34D、23、33魔鬼身材嘅AV女優影響力幾咁大!事實上,1980年9月4日出生嘅佢,自2001年投身AV界開始到2002年嘅一年間,共有212部AV作品推出,呢個咁厲害嘅成績更獲得健力氏世界紀錄認證為「一年之內售出最多色情影片的女演員與製片公司」世界紀錄頭銜擁有者。可惜朝河蘭喺2003年宣布引退,以致成績未能繼續刷新。

玩樂辭典:ABC Party 冇衫派對

「ABC Party」係近年外國,尤其係美國最為流行嘅一種派對玩法。事實上,ABC Party並非指剝光豬乜都唔着,而係「Anything But Clothes」嘅縮寫,意思即係以唔着衫作為主題嘅派對。參加派對嘅玩家身上唔可以穿着衣服,卻可以揀選膠帶、紙張、毛公仔,甚至係樹葉等物品遮擋身上嘅重要部位。呢個玩法過癮之處,在於玩家可以按個人喜好,着得幾性感、幾火辣都得。

專業名詞:Auto-Fellatio 自我吹奏

Auto-Fellatio解作自我吹奏,即係自己同自己嘅兵器進行吹奏嘅行為,並通常用喺男士身上。想玩呢招不但要擁有相當長度嘅兵器,條腰嘅柔韌性更要厲害。美國嘅四仔界就有位玩呢招玩到出晒名嘅男脫星,佢就係美國四仔界名人堂成員Ron Jeremy!今年60歲嘅Ron唔單止識自我吹奏,多年從影生涯拍過2,098套四仔,而性格親切嘅佢近年更充當美國四仔嘅親善大使。

Alice Japan 著名片商

對AV迷嚟講,一定相當熟悉Alice Japan呢間日本AV製作公司嘅名字。呢間成立於1986年4月4日,專職生產有碼片嘅AV片商,至今已經成立咗27年,歷史相當悠久。多年嚟佢所捧紅嘅AV女優更係多不勝數,好似著名女優小澤圓、鮎川亞美、松島楓等,而近年活躍於內地嘅前AV女優蒼井空,亦曾經同呢間公司簽約。Alice Japan曾推出著名系列「人間廢業」同「女尻」。

香港官網:www.alicejapan.hk/

撰文:魂