專訪水菜麗 至冧四眼男

（記：記者；麗：水菜麗）

記：喺5年嘅AV生涯中，你認為邊類型嘅演出最困難？

麗：唔少人以為演出最困難嘅部分係玩情趣玩具，只係作為一個專業嘅AV女優，要從容地演出呢類場面係必備條件。我覺得最困難係同女優做對手戲，因為好講求雙方嘅合拍性，唔夾嘅話，就會影響到表現，因此我鍾意同男優進行床戰多啲。

記：你嘅粉絲當中有唔少係Cosplay迷，唔知你最鍾意睇邊套動漫及最想扮演邊個動漫角色？

麗：我真係好鍾意睇動漫o架！仲好鍾意玩Cosplay添！有時更會執筆試吓畫公仔，好似我簽名上嘅貓仔，就係我自創嘅公仔嚟o架！我最鍾意嘅動漫係《福音戰士新劇場版：破》，喜愛嘅動漫角色有3個，分別係綾波麗、真希波以及明日香，希望將來可以扮演佢哋做戲啦！

記：最近你忙於到中港台澳宣傳，未來嘅發展係咪集中喺東亞地區呢？

麗：呢半年真係好忙，7月到台灣，跟住10月去廣州，然後呢個月港澳兩邊走，遲啲仲會演出微電影《我愛草食男2》，本來有啲吃不消嘅感覺，好彩得大家熱情支持為我加油。未來我都想多啲到大中華宣傳，尤其係香港，可以拍多啲微電影畀香港嘅粉絲欣賞，但係最終都要睇公司嘅安排。

記：拍微電影同拍AV有咩唔同？

麗：兩者有好大分別，拍攝微電影時，玩自娛器唔需要好似演出AV咁放，片中我飾演一位美少女，要表現得含蓄啲，同時我要留意動作同表情上嘅細節部分，對我嚟講係一個挑戰！

記：連串嘅宣傳活動中，有咩令你最難忘？

麗：難忘嘅事情有好多，喺台灣嘅大型舞台進行宣傳，見到台下咁多觀眾，真係既緊張又興奮；而喺廣州嘅細小場地，竟然逼滿超過3,000人，佢哋仲要由上午11時等到下午3時，令我相當感動；至於香港男士斯文又熱情嘅表現，亦令我好開心。

作品推介

碟名：《水菜麗的角色扮演收藏》

片長：240分鐘

出品：TMA

內容：水菜麗眼大精靈又可愛，有唔少AV廠搵佢拍Cosplay作品，而本作就係阿妹幫AV廠TMA所拍下嘅精彩Cosplay總編集。當中水菜麗扮演多個動漫角色，如魔法少女、外星美少女、惡魔女孩等，期間佢畀男優剝至半裸再激戰，斑爛色彩與二人嘅激烈互動構成一幅美麗又充滿快感嘅畫面，正呀！

後記：

床上表現狂野兼玩得放嘅水菜麗，為人親切，佢話最欣賞香港男士嘅紳士風度，尤其戴眼鏡嘅男士更係佢杯茶！各位四眼男，你哋有機會嘞！

水菜麗Profile

年齡：26歲

身高：5呎1吋

三圍：32C-22-34

撰文：魂、賢

攝影：生