渡海濠情：旁人睡覺 可分真假
搭地鐵同巴士嘅朋友，一定會遇過旁邊嘅乘客昏昏欲睡，有時個頭仲會枕落你個膊頭上面，遇上咁嘅情況人人有唔同反應，但由得佢瞓嘅相信冇乜人肯制，而嚟自帝濠桑拿嘅咪咪就話從未遇過！
起身走人
咪咪話：「自己好少坐公共交通工具，事關平時出入唔係的士就係私家車，就算坐長途火車，我都只坐臥鋪，所以未試過有人瞓埋嚟，但我相信如果真係有人枕個頭埋嚟，感覺一定唔係咁好受，事關個人真係瞓着，個頭嘅重量會完全冇支撐，你話一個大男人個頭，十斤八斤一定唔少得，壓住你都咪話唔辛苦，何況我老家好多人都冇洗頭嘅習慣，佢哋嗰陣頭油味，真係冇乜人可以接受得到，所以遇上咁情況，我一定連位都唔要起身走人！」
點頂得住
你又知道男人個頭有幾重？咪咪話：「咁人哋都有男朋友嘛，有時上屋企睇DVD時，佢睇睇吓會瞓着，個頭枕埋嚟嘅重量，我點都知啩！如果佢只係閉目養神，咁重量好輕，但如果佢真係瞓着，成身嘅重量加埋個頭，壓埋嚟就會變得好重，所以我憑佢個頭嘅重量，就分別到佢有冇真係瞓着。」男人上嚟陪你，點解會瞓着呢？咪咪一笑：「事關睇DVD前，我哋一定會做場十分激烈嘅運動，有時激動起嚟，仲會加時再戰，你話我男朋友唔眠一眠點頂得住！」
咪咪Profile
年齡：21歲
三圍：34-23-34
撰文：小德
攝影：阿昌