擁有天賦本錢好應該好好運用，好似好多嫩模咁，着住暴露衣服，卻又要刻意黐兩個乳貼，擺姿勢影相又要左閃右避，恐防乳貼暴露，不如一早就唔好咁着啦！好似成田梨紗咁應該露就盡情露，咪自然得多而且更快上位囉！
好多人都以為日本超人氣女子組合AKB48嘅成員只係以青春歌舞，及其可愛面孔嚟吸引觀眾，唔需要特意賣弄身材，當然唔賣弄嘅原因可能係佢哋冇乜身材。實在，咁講法只係啱咗一半，因為AKB48嘅成員好多都青春嫩口又靚女之餘，仲擁有驕人身材，絕對唔係貧乳萌味，好似早幾年出道拍AV嘅中西里菜，就擁有脹卜卜又彈手嘅E-Cup上圍，而成田梨紗更比佢高一Cup，上圍有成36F！現年22歲嘅梨紗論樣貌唔算得上標致，但係佢眼仔碌碌又面圓圓，感覺精靈又嬌俏，加上成日都笑口吟吟，相信冇男人會對佢有所抗拒。至於身材方面，梨紗曾幾何時都幾肥吓，個肚腩仔凸晒出嚟，不過好彩阿妹佢接受一款減肥酵素飲品嘅邀請做代言人，每日都有該飲品提供，令佢肚腩細番晒，而胸前一對好似木瓜咁巨型嘅F奶則絲毫未減，到今日為止都仲係歷代AKB48成員中最好波嘅一個！
成田梨紗2005年參加第一屆AKB48招募獲得取錄，繼而成為創會成員之一，直至2008年阿妹從組合中畢業就轉以個人身份發展，拍寫真又唱歌。之不過，梨紗嘅歌藝就未得到認同，可幸嘅係其激凸身材不乏捧場客。深明此理嘅梨紗故經常大露胸前嘅巨型F奶，出寫真集以及寫真DVD。後來，由於知道梨紗敢露，於是有片商搵佢拍戲，擔正做電影《一切從裸體開始》嘅女主角。梨紗於呢部電影當中演出落力又夠搏命，好多場面都容許男主角搓弄巨乳，激烈程度令人咋舌，加上阿妹演戲又的確有番咁上下功力，所以大獲好評。雖然係咁，梨紗一直以來都堅守三點不露，只可惜今年就意外地被破戒！今年8月，梨紗為雜誌《FRIDAY》拍寫真照，有幾張佢真空上陣，只以薄紗遮住酥胸，諗住雜誌會有後期加工畀佢遮住兩點啦！點知，雜誌冇咁做，仲喺封面大字標題表示阿妹「胸部解禁」，搞到兩點失守！然而，阿妹係就係嬲嬲哋，不過心情冇受影響，工作繼續一貫嘅認同同拚搏，除咗三點之外，老闆要佢點露就點露。
簡介：成田梨紗好鍾意將工作以及空餘時間拍低嘅照片同消息上載到博客，只要一Click上去，就可以知道阿妹每日做緊乜。
網址：http://ameblo.jp/narita-risa/
年齡：22歲
身高：5呎4吋
三圍：36F-23-34
撰文：賢