渡海濠情：千金散盡只為紅顏？
日本有機構做咗個調查後發現，最令日本女性討厭，非要同對方離婚不可嘅理由，原來係對方胡亂花錢冇節制，而嚟自凱旋桑拿嘅瑤瑤就話，佢都好憎啲男朋友亂花錢，但點解唔花喺佢身上喎？
冇預女友
瑤瑤話：「我曾經有過一個好慘痛嘅教訓，話說舊年識咗個靚仔專業人士，臨近聖誕節前幾日，見佢東奔西跑，心諗唔通佢為咗準備送聖誕禮物畀我而傷盡腦筋，於是就滿心期待等到聖誕嗰日，點知佢夠膽死送張聖誕卡就算，問佢禮物呢？佢打開房間，我發現佢買咗大堆模型、電腦遊戲等垃圾！話為自己慶祝聖誕，於是問佢我嗰份呢？佢話愈買愈開心，碌到卡都爆晒都唔知道，所以冇預我，你話呢啲咁嘅男仔要嚟有乜嘢用！」
胡亂花錢
又真係幾過分喎！瑤瑤話：「之後又識咗個靚仔富二代，喺復活節時話請我去旅遊，心諗有飲有食仲有得玩，應該唔會蝕底，於是咪跟佢去囉！點知你估吓佢玩乜嘢，原來走去玩跳傘、潛水、賽車同笨豬跳，我同佢玩啲咁嘢就真係豬啦！至於飲食就更恐怖，唔騎呢古怪嘅都唔食，我跟咗一日就頂唔順，玩啲咁嘅嘢就使十幾萬，真係唔明白點解唔花喺我身上呢？所以日後揀男朋友，最緊要搵啲肯使錢喺自己身上嘅！」
瑤瑤Profile
年齡：21歲
三圍：34-23-34
撰文：小德
攝影：阿昌