好多父母師長都話家陣嘅後生仔女成日渾渾噩噩，不論讀書定係返工都冇為自己訂下目標，只係是但交到成績就算數。其實，又唔係個個年輕一輩都係咁，好似有村架純咁就一早為自己訂立發展目標，一鼓作氣咁為目標衝刺喇！
日本寫真界可謂百花齊放，演出嘅女優有好多類型，胸前巨乳蕩漾嘅火辣尤物固然受歡迎，身材偏向瘦削嘅一樣唔怕冇市場，不過首要條件係夠青春夠可愛，仲充滿陽光氣質，就好似有村架純咁。今年20歲嘅架純妹妹天真又可愛，最重要係佢可愛得嚟唔會好似其他萌系美少女咁作狀咁誇張，拍出嚟嘅寫真照片，都展現出天然又純潔嘅笑容以及親切眼神，男人見之必然感到壓力全消，心靈得到無比滋潤。架純妹妹三圍32-23-33，身材雖然有欠豐滿，之但係佢屬於骨肉勻稱型，完全冇瘦骨嶙峋之感，加上肌膚鮮嫩雪白又有彈性，睇落順眼亦不失吸引力，對於鍾情青春玉女嘅朋友嚟講，更加係夢寐以求嘅極品。
架純妹初中三年級嘅時候沉迷電視劇，當時佢一邊睇就一邊諗自己都可以拍戲成為其中一個角色，於是就立志做演員，並且以知名女藝人戶田惠梨香作為奮鬥目標！不過，做演員之前都要完成學業先，所以2009年阿妹讀完高中先去參加藝能事務所嘅面試。架純受到錄用之後就由家鄉伊丹市搬到東京發展，由報章產經體育主辦嘅新年企劃活動《新春少女達》就係阿妹嘅首次演出，同年仲得到演出電視劇《鋼之女》嘅機會。大眾對於架純妹嘅幕前演出評價甚佳，話佢有別於一般年輕女演員，眼神、動作同說話都帶有神采，將角色演繹得恰到好處。由於架純好戲，所以參演電視劇甚多，電影亦演出過好多部，包括《阪急電車 單程15分鐘的奇蹟》、《女孩BASARA -戰國時代在圈外》等。此外，出年一月阿妹主演嘅電視劇《Lost love chocolatier》就會啟播，到時大家要留意喇！
年齡：20歲
身高：5呎3吋
三圍：32-23-33
有村架純工作忙碌，所以一得閒就會四圍旅行放鬆身心，想知道阿妹佢最近去過邊處玩，就要多多留意其博客喇！
網址：http://ameblo.jp/kasumiarimura/
撰文：賢